Í lívd undir hamrinum reysta
Bókin er søgubrot og lýsingar gjøgnum skjótt 200 ár úr Skopunar søgu.
Stórur partur av elsta ættarliðinum í Skopun kom úr Koltri og Dímun, men ættarbondini røkka líka úr Sumba til Tjørnuvíkar, so har er væl blandað.
Heitið á bókini er tikið úr mergjaða skopunarsanginum hjá Sigurdi Bærentsen, sum eisini á sín hátt lýsir baldrutu umstøðurnar, ið nógvar av frásøgunum greiða frá. Sjógvurin var álitið, og fongurin var mangan dýrgoldin og tøkini tung; men sjálvt í myrkastu løtum fall fólkið ikki í fátt, og bygdin mentist eftir umleið seksti árum til at gerast næststørsta bygd í oynni, og tað er hon framvegis.
Átjan oyggjar (30)
Fyri seksti árum síðan var íslendska skaldið og rithøvundurin, Hannes Pétursson, á vitjan í Føroyum.
Høvuðsørindini vóru uttan iva onnur enn at skriva eina sakleysa dagbók úr eini Føroyaferð summ arið 1965.
Úrslitið er ein framúr lýsing av Føroyum, føroyingum og føroyskum viðurskiftum um hetta mundið miðskeiðis í seinastu øld, sæð við gestsins gløgga eyga. Samanberingar hansara við íslendsk viðurskifti eru viðkomandi og áhugaverdar.
Hóast rithøvundurin er komin væl til árs, føddur 1931, gav hann á heysti 2024 eina nýggja og forvitnisliga bók út um skaldskapin hjá Hallgrími Péturssyni.
Hannes Pétursson er annars best kendur í Íslandi sum yrkjari og hevur síðan 1955 m.a. givið út eina ørgrynnu av yrkingasøvnum, og fýra ferðir hava søvn hansara verið tilnevnd Norðurlendsku Bókmentavirðislønina.
