Tveytúsundogseytjan, yrkingar

Blómudalurin (22)

Í Grønlandi hevur verið tos­að um so nógv sjálvmorð millum ung, at tað líkist einari umfarssótt. Øll kenna onkran, ið hevur tikið lívið av sær. ‘Blómudalurin’ sigur søguna um, hvussu tað er at liva í øllum deyðanum, sum ávirkar øll, men sum eingin tosar um Sjálvmorð er næstan vorðin ein ótol­andi norm­al­itetur, sum eingin hev­ur ábyrgd av. Familj­urnar megna ikki at tosa um tað, og eingin hjálp er í nakr­­ari almennari skipan. Hvat er navn mítt … Eg havi einki navn … Eg eri bara eitt tal

Opera men eingin olja (17)

Enn hava vit ikki fingið fleiri operair, men í táminum frá tí grønu orkuni daga fleiri lista­spírar undan í havsbrúnni. Fleiri dansarar og sangarar koma fúkandi eftir dansi­gólv­unum. Fleiri film­ar eru á veg, og mentanin í síni heild vendir og snarar sær higar og hagar. Vit mála og prýða, vit skriva og týða, vit syngja og spæla okkum inn á virðislønarpallarnar, so heimurin hvøkkur við. Her er lív í, og listin livir sum ongantíð fyrr, meðan vit bíða eftir tí orku, ið øll tosa um.

Nivlheimur (27)

Nivlheimur leggur fyri á Jan Mayen í 1938. Gott 80 ár seinni fær Hannis Martinsson álagt uppgávuna at finna eitt loyniligt handrit, sum skal vera komið úr Íslandi til Føroya í miðøld. Hannis hevur lítið at halda um, og sterkar kreftir gera alt fyri hindra, at hann skal røkka sín setning.

Brúður í Roskilde Dómkirkju (52)

Í 1887 giftust ein genta úr Klaksvík og ein drongur av Strondum. Tey festu búgv undir Selheyggi og fingu seks børn. Í 1900 doyði hon í barsilssong. Í 1905 doyði hann. Eftir sat ein systkinaflokkur, elsta barnið 16 ár, tað yngsta 4. Børnini fóru til fosturs hjá góðum fólki. Um sjeyti ár seinni skrivaði eitt teirra, næstelsta dóttirin, Hanna, ævisøgu sína, sum nú er týdd og verður prentað. Umframt verður greitt frá, hvussu skift varð eftir hesi hjúnini, sum vóru fyri vanlagnu.