Heit trá
Tær tíggju stuttsøgurnar eru ógviliga ymiskar, men tær hava tað í felag, at tær rúka av lysti og trá. Her eru studentaskúlanæmingar, sum næstan ikki kunnu bíða, til tímin er liðugur, so at tey kunnu hittast í onkrum skýli, drongurin, sum hevur hug á lærarinnu sínari í lívfrøði, og gentan, sum rodnandi varnast, at hjartaslátturin verður títtari, tá ið hon hittir vinmann lítlabeiggja sín aftur og sær, hvussu nógv hann er vaksin.
Exodus
Bókin snýr seg um ta ringu viðferð, jødar fingu í Evropa, Palestina og aðrastaðni fram til 1948, tá Ísraels ríki var endurstovnað. heitið er lænt úr bíbliuni, har orðið verður nýtt um fráferðina úr Egyptalandi við Mósesi á odda.
Berlinaraspirnar
Hetta er søgan um tríggjar brøður. Margido Neshov er gamal drongur, miðskeiðis í fimmtiárunum og biðimaður í Tróndheimi. Á fedranna ættgarði uttan fyri býin býr eldri bróðurin Tóri saman við gomlu mammu sínari,tí forfjónaða og ómælandi pápanum og øllum svínunum. Í Keypmannahavn býr triði bróðirin Erlendur, sum rýmdi ungur og sprakk út úr skápinum sum samkyndur. Hann er vindeygadekoratørur og býr saman við danska blaðstjóranum Krumma.
Tornið á heimsins enda
Í kvirruni hoyrast langt burturi stjørnudropar dryppa av himni. Afturljóðið hoyrist um alt tað stóra himnahválvið. Hetta er einasta ljóðið í himni og á jørð. – Ljóðið kemur frá einum vatnkrana, sum ikki er rættiliga fyrisnaraður.Einsamallur og einsligur er tann dryppandi vatnkranin í verðini.Minnismyndirnar eru skipaðar í eini 70 brot, sum annaðhvørt frásøgumaðurin sum gamal ella frásøgumaðurin sum barn sigur okkum.
Vølundarhús (22)
Ein eldri kvinna, sum býr í eini íbúð undir Kongavarða, sigur seg hava hoyrt, at maðurin í granníbúðini er blivin dripin. Advokatvirkið, sum eigur íbúðina, sigur, at eingin hevur búð í henni tað seinasta árið. Kvinnan stendur uppá, at hon kendi mannin væl, og at hann nú er horvin. Hannis Martinsson fer at kanna málið.
Oddvørsa Vetrar Rættir (75)
33 góðar uppskriftir, harav 5 uttan gluten, íð eru valdar við umhugsni, gjørdar við nærlagni, og borðreiddar við tokka til tær upplivingar, sum góðaur matur gevur.
Hyasinttíð - yrkingar
Sissal kampmann hevur áður givið út trý yrkingasøvn og fingið Klaus Rifbjergs debutantpris for lyrik. Við savninum Hyasinttíð fer hon nýggjar leiðir, og lesarin fer kanska at hugsa um seinastu skaldsøguna eftir William Heinesen, Tornið við heimsins enda. Savnið er hondskrivað, og tað veitir eitt serligt persónligt samband við yrkjaran. Lesarin fylgir at kalla við, meðan yrkingin verður til.
Opus 6
hvørt sár sigur at tú hevur livað hvør skøva sigur at tú ert til hvør sorg sigur at tú hevur elskað hvør saknur sigur at tú ert til lat meg vera til so leingi eg enn kann sárast lat meg vera til so leingi eg enn havi ilt og tá alt hetta hevur fylt mítt bikar lat meg tá doyggja við andliti á
Leskilig jól (35)
Leskilig Jól er bókin til tíðuna, tá ið vit taka okkum burtur frá gerandisdegnum. Sansa angan av sjokulátu, gløgg og nýbakaðum jólabollum og lata okkum tøla av lívinum. Tær 47 uppskriftirnar í bókini fevna um jólabakstur, gløgg og ymisk konfekt.
Nornagestur
Nornagestur er høvuðspersónur í eini frásøgn í Søgu Ólavs Tryggvasonar í Flatoyarbók. Hann er gamal vallari, sum styttir kongsins monnum stundir og sigur teimum søgur. Sjálvur greiðir hann frá, at við vøgguna, har hann lá nýføddur, spáddu tær tríggjar vølvurnar honum eina glæsiliga framtíð, men ein teirra legði aftrat, at lív hansara fór at slokna, tá ið ljósið, ið varð kveikt við vøgguna, brann niður. Tí varð ljósið sløkt, og hann bar tað uppi á sær alt lívið.
Zapatista (18)
Antropologurin, Alisa, fer hesa ferð til Mexico, og endar skjótt í einum meldri av óloystum gátum og vandamiklum tilburðum, tengd at jarðfrøðinginum Mariu Salazar, sum var funnin deyð á eini rók uppi í einum bergi. Alisa verður millum annað drigin inn í lívið hjá tí karismatiska og maskuklædda, uppreistraaleiðaranum Emilio, og tað fær avleiðingar bæði so og so...
Mánasteinur
Árið er 1918, og úr Reykjavík sæst, hvussu Katla goysir eld og málar luftina nátt sum dag. Hóast náttúruvanlukkur, kolatrot og kríggið, sum herjar úti í hinum stóra heimi, gongur lívið í høvuðsstaðnum sína vanligu gongd. Íslendingar fyrireika seg til at gerast sjálvstøðug tjóð. „MÁNASTEINUR“ er ein meistaralig skaldsøga, har ógviliga ymiskir heimar – filmur, kynslív, ein farsótt og sjálvstýrið hjá einari tjóð – verða vovnir saman í eina vakra og samandrigna søgu.
Rustur sum viður og vindur
Rustur sum viður og vindur er ikki bara ein stuttlig bók, men eisini ein bók á tremur av gløggum eygleiðingum. Og í hvussu nógvum føroyskum skaldsøgum hevur høvundurin samrøðu við standmyndina av Rasmusi Effersøe á Tinghúsvøllinum um at blíva pakkaður inn í wc-pappír og mangt annað?
Hinumegin er mars, MP3
Frásøgukvinnan í skaldsøguni er miðskeiðis í trýssunum og sannkennir av álvara, at tann stytsti teinurin í lívinum er eftir. Sagt verður frá mammuni, sum er á ferð úr lívinum, og samstundis í brotum, hvussu tilveran hevur verið fyri hana og dóttrina.
Myrkarúmið, yrkingar
Kaldar vanlagnur eiga sítt pláss í savninum saman við strævnum døgum, ið ein gleðir seg enda.Tilveran, ið av og á tykist fløkjaslig og løgin sleppur ikki undan viðmerkingum, har ið svarið er ókent, men liggur beint framman fyri okkum,men vit fanga tað ikki.Hví eitur yrkingasavnið so Myrkarúmið? Alt tað ókenda, tað loyndarfulla; tað ið øll vita, men eingin vil tosa um, alt tað býr í myrkarúminum, ið eisini er byrjanin til sjálvt lívið.
Tala tú eisini, yrkingar
Paul Celan var av jødiskum fólki í Czernowitz, sum tá var í Rumenia. Foreldrini vórðu myrd av nazistunum undir krígnum, men Celan hóraði undan í eini arbeiðslegu.Stutt eftir krígslok slapp hann til Fraklands, og seinni varð hann lektari í týskum bókmentum í París.Upprunaliga var Paul Celan ávirkaður av modernistiskum ráki í eystur- og miðeuropeiskum skaldskapi,eisini av franskari surrealismu,serliga var tað nazistiska týningin av jødum, sum meira og meira gjørdi vart við seg í skaldskapinum.