Í bókini kunnu vit eitt nú lesa um keltar, víkingar og bretsku hersetingina undir krígnum. Bókaheildin um Mandy og tey er sostatt eisini ein spennandi alfrøði fyri fólk í øllum aldri.
Mandy at home er undirvísingartilfar til 5. flokk í enskum. Í lesibókini er - eins og í Mandy on holiday - fløga við upplestri av øllum tekstinum í bókini.
Í orðabókini eru fleiri enn 2600 leitorð, og hon er prýdd við stuttligum tekningum. Mín fyrsta reyða orðabók er ein góð og stuttlig hjálp hjá bæði stórum og smáum, tá ið farast skal undir at læra enskt á fyrsta sinni!
Tsatsiki gongur í fjórða flokki, og heima í Parkgøtu eru bæði lítlasystirin Retzina og Mortan Pissrotta flutt inn. Tsatsiki leggur til merkis, at tað kann vera rættiliga strævið, tá ið nógv fólk eru í húsi.
Hetta er nýggj roknibók til 3. flokk og framhald av Skygni 2B. Til útgávuheildina Skygni 3A eru næmingabók, læraramappa og avritssíður í Avritsmappuni 3A og B.
Tsatsiki er 10 ár. Í summarfrítíðini er hann hjá familjuni í Grikkalandi, har abbin liggur at doyggja. Heimafturkomin til Svøríkis fer Tsatsiki í fjórða flokk, og um jóltíðir verður hann stóribeiggi.
Lea er ættlædd úr Kina og býr í Týsklandi. Søgan er ein ferð aftur í upprunalandið og er samstundis ein ferð inn í sinnið, sum stríðist við spurningar um, hvør tú ert, og hvørt tú ert óynskt her á fold, ella um tú hevur onkran góðan.
Lovisa og Edmundur og systkinabarnið Eustace standa og hyggja at einari mynd av einum skipi, og knappliga verður myndin livandi og ikki nóg mikið við tí, hon dregur tey trý børnini inn í seg, og tey enda umborð á Morgunvallaranum.
