Frásagnir og samtíðarlýsingar av Havnini, fornfrøðiligar rannsóknir í gomlu Havnini, ting- og rættarviðurskifti, bóndagarðin Húsagarð og vinnur hjá havnarfólki, einahandilin fram til umleið 1790 og staðarnøvn innan- og uttangarðs í Havnini.
Leið meg, Samira er um Nadim, sum er komin til Danmarkar úr einum øðrum landi. Hann torir ikki í skúla einsamallur, tí hann er bangin fyri at villast, og so ræðist hann eisini bilarnar, fullar menn, stóru hundarnar og stóru dreingirnar.
Húsini í súreplagarðinum er um Katlu og Stinu, sum halda, at tey stóru, myrku húsini í tí óruddiliga garðinum eru ógvuliga óhugnalig. Og tá ið tær síggja ein skugga flyta seg inni í garðinum, vita tær ikki hvat tær skulu gera.
Søgan er um Turbo. Í veruleikanum eitur hann Búi, men eingin sigur tað. Viðhvørt fer hann ein skjótari veg í skúla - framvið eitt spøkilsishús. Og einaferð sær hann eitt spøkilsi.
Snýs, njós, histi og hosti er sum bókarheitið sigur um at njósa, hosta og geispa. Øll njósa, tú og eg njósa, hundar, kettur, ross, skjaldbøkur, fuglar og giraffar. Summi njósa hart, meðan onnur njósa spakuliga. Men hví siga vit øll atju?
Í Útskoti er Torak foreldraleysur og einsamallur og flýggjar undan fólki, tí hann er dømdur at vera útskot. Øll hava rætt at taka hann av lívi, tí hann er vorðin yvirtikin av sálarátara, sum ger, at hann ikki kann vera saman við hinum.
Llítla skrímsl hjúklar um Stóra Skrímsl, sum liggur við skrímslasótt. Men tað er ikki bara sum at siga tað, tí Stóra Skrímsl grenjar og er ikki nøgdur við nakað. Hvussu leingi man lítla skrímsl orka knarrið?
Fløgan er ætlað foreldrum, børnum, lærarum og pedagogum, teimum sum tørvar eina fløgu við grundstøði í teknmáli, tá ið tey skulu samskifta við fólk, ið eru tunghoyrd ella deyv.
Søgan fer fram undir seinna heimsbardaga. Sámal Matthias livir eitt fátæksligt lív og droymir um at finna ein stóran reka, men tá dreymurin gerst veruleiki, verður alt øðrvísi enn væntað.
Ikki fáir av tekstunum peika á Europa sum søguligt, listarligt og fyrst og fremst skaldskaparligt og mentanarligt hugtak. Undir hesum neti av tilsipingum eru univers, sum lesarin sjálvur verður boðin at fara á rannsóknarferð í.
