Leo og klumpurin í búkinum
Tað besta, Leo veit, er at rulla sær í kavanum,júst sum hundar gera! Og tað besta,hann veit at eta til døgurða,er búff við bønum.Sum hann elskar búff við bønum! Men ikki í dag.Í dag kennist einki,sum tað eigur.Leo er keddur og hevur ein klump í búkinum.Tá ið pápin spyr,hvat bagir,vil Leo einki siga.Men kanska,kanska hevur tað okkurt at gera við,at Leo hevur verið keðiligur við tveir vinir í flokkinum?Og at tað viðhvørt er so ringt at biðja um orsaka?
Loppugras uttan fløgu
Savn við tólv yrkingum. Yrkingar um hundin, sum fór á flog, diddaraka tjaldrið, ein løgnan saks, prutlini hjá postboðum, krabban, sum eftir botni fer og annað mangt. Skemtiligar, sniðfundigar yrkingar, ið hóska væl saman við tekningunum.
Mín jólabók 2025
Mín jólabók er ein bók til alla familjuna, ein kalendarabók um tú vilt. Ein bók við fittum søgum og tekningum, hugskotum og íblástri til hugnaligar løtur saman - børn og vaksin - í køldu, myrku tíðini upp undir jól.
Mínar søgur
Hornamaðurin, havnamaðurin og humoristurin Heðin hugleiðir
"Tað er trupult at fáa eygu á stórmenni, undangongufólk ella avrekskappar í Hornaættini. Felags eyðkenni munnu vera gott handalag, glatt skemtandi lyndi, alskur til náttúruna, musikalitetur og evni at siga frá. " Soleiðis umrøður Heðin Samuelsen sjálvur hesa faðirætt sína. Sum lesari kanst tú ikki annað enn stórfegnast um júst hesi ættarbreðgini, soleiðis sum tey so gávumilt streyma móti tær frá hvørjum einasta bókablaði - mestur í góðari blanding við breðgini frá hinum valaættunum hjá høvundanum.
89 ára gamal hevur Heðin - hesin ævigi unglingin í sinninum - fest søgu sína á blað.
Eitt er, at tað er ein fongur yvurhøvur at fáa ævisøgur upp í hendur. Annað er, at hansara brýtur frá tí vanliga á nærum einhvønn hátt. Hvussu vit bera víðari søgurnar úr lívi okkara, veldst um, við hvørjum brillum, vit hava eygleitt og upplivað tær. Høvundurin at hesi bókini er humoristur um ein háls, og tað litar tað mesta av tí, hann fortelur um.
Og so er Heðin so vælsignað sjálvironiskur. Speii er ovmikið av, men hann vendir tí mesta móti sær sjálvum og letur upp allar móttakararnar hjá tær sum lesara. Tær nýtist bert at skimma nakrar fáar síður, áðrenn tað gerst tær púra greitt, at her er talan um framúr áhugaverdar, stuttligar og lesilættar søgur.
Tað kann ikki annað enn imponera, hvussu virkin, Heðin hevur verið, og hvussu nógvum áhugaverdum og stuttligum, hann hevur verið partur av - innan bæði leiðslu og arbeiði annars, nevndararbeiði, áhugafeløg, bókaútgávur, frítíðarlív, tónleik og mangt annað. Sjálvdan hevur hann bara tikið lut ella íðkað. Næstan altíð hevur hann gingið á odda ella á annan hátt átikið sær sín part av ábyrgdini.
Heðin Samuelsen er ein deiligur havnamaður, og viðgerðin av grannalagnum úti í Bø, har hann er føddur og uppvaksin, ger eisini bókina til eitt týdningarmikið íkast til søguna um høvuðsstaðin.
Il vecchio e il figlio
Un romanzo dalle Isole Føroyar (o Faroer), alcune briciole di scogliere basaltiche situate al centro dell'Oceano Atlantico Settentrionale, a centinaia di chilometri dalle terre più vicine, Isole Shetland, Islanda, Norvegia, Scozia.
Il primo romanzo tradotto direttamente in italiano dall'orignale in lingua faroese, una lingua erede diretta del Norreno delle saghe nordatlantiche.
Una vicenda umana avvincente e coinvolgente che ci porta in un villaggio di queste isole nei primi decenni del Novecento, e ci fa conoscere e riviere con realismo, partecioazione umana, umorismo e poesia la vita di una famiglia in un periodo in cui i radicali cambiamenti economici, sociali, culturali ed etici, portati in quegli anni dalla pesca industriale, mettono profondamente in conflitto fra di loro le generazioni.
6-9 ár: Heimalambið Nella
Heimalambið Nella kemur í húsið hjá Bettu og Jóhann at vera. Nella fær eitt lítið stykki niðan fyri húsið at vera og eta gras, men tað gongur ikki so væl. Hon vil hvørki vera innibyrgd ella einsamøll. Hon berjist sum fyri lívinum fyri at sleppa út, rennur eftir hundum, óruddar í kjallaranum, órógvar á rættini, í hoyna og allastaðni, har hon er, og so er hon eisini so veðursjúk.
„Á, Nella, Nella, tú ert ein gella!“ sigur Betta.
Les stuttligu søguna um Nellu, sum Betta á Dalinum hevur skrivað, og Jana Jonhardsdóttir hevur myndprýtt.
2-5 ár: Sukurvatt
Hjálp, kom og hjálp mær!" hoyrir hann tað runga niðri úr vaskinum, so tað ekkóar um allan kjallaran. Hvør er hatta sum rópar soleiðis? Hann lirkar eitt eyga upp og skeitir niður í vaskið. Hann sær bara skínandi, blankt stál. So lirkar hann eitt eyga upp aftrat. Jú, har er okkurt niðri á botninum. Jú, mín sann! Ein tvísterta, sum hann ongantíð hevur sæð fyrr, stendur har púra einsamøll mitt niðri í vaskinum.
10-13 ár: Norðlýsi 3 - Krákusystrarnar
Gátuføra fjallafólkið tekur væl ímóti Sonju, Bjarnari og Lottu. Bygdin er á tremur við hentum gandi og vinaligum fólkum. Allíkavæl fær Sonja frænir av, at teirra leiðari, Ravdna, fjalir eitt myrkt loyndarmál.
Norðlýsi-bøkurnar hava ligið ovast á metsølulistunum líka síðani fyrsta bókin kom í 2018. Tann bókin vann ikki minni enn tríggjar virðislønir, Arks barnebokpris, Pondus-prisen og Barnas bokpris.
Malin Falch er úr Tróndheimi, men býr nú í Oslo. Hon hevur fyrr útgivið Norðlýsi bók 1 - Ferðin
til Jøtundalin, Norðlýsi bók 2 - Víkingarnir og oraklið og Bjarnar.
10-13 ár: Norðlýsi 4 - Trøllaríkið
Inn í trøllaheimin
Sonja, Espen og Lotta fara á eina vandamikla ferð inn í trøllafjallið. Ein óvæntaður hjálpari kemur við, men hóast allar góðar kreftir, ber tað so til at vinna á risastóru trøllunum og sleppa livandi út aftur úr fjallinum?
Malin Falch (f.1993) hevur skrivað og teknað røðina Norðlýsi við íblástri úr norskum ævintýrum.
Trøllaríkið er fjórða bókin í røðini.
0-1 ár: Fantus nú roksar tú, fílur
Tað er nógv stuttligari at busta føtur enn at busta tenn. Skógvarnir rigga nógv betur á hondunum – og skal blæan altíð vera á rumpuni? Hygg undir klaffarnar og síggj, hvussu Fílur roksar allan dagin.
Ein stuttlig peikibók við stórum klaffum á øllum síðum!
