Á ólavsøku er skemtikrimi í 9 pørtum við vignettum úr amerikonskum pulp-magazines frá 20unum og 30unum.
Nýggi presturin kemur í hóslag við prestseinkjuna, og hon verður ein sterkari brandur á himlinum enn Várharra sjálvur. Hetta elvir trega og ástarrús um somu leið.
Teir horvnu kirkjubøstólarnir er skemtilig og spennandi krimisøga og onnur bókin í røðini um tey fýra vinfólkini. Tann fyrra var Brennivargurin.
Frásøgnin tekur vid umborð á S/S Gimle ávegis til Føroya 15. juni 1919, og hon endar umborð á sama skipi á veg úr Føroyum 5. august 1919.
Savnið er býtt í tveir partar, har tær fimmsøgurnar í fyrra partinum eru heftar at hvørjari aðrari, og tilsamans mynda eina stuttsøgu-cyklus.Søgurnar eru annars sera fjølbroyttar. Tær fevna frá tí skemtiliga, tí satiriska, tí siðsøguliga, tí syrgiliga, tí sálarfrøðiliga og einum hópi av erotiskum søgum,ikki minst í hesum seinasta savninum, sum lýsir tað kensluliga, kærleikslívið, tað ediliga kenslulívið millum kynini upp á gott og ilt.
Savnið er sett saman av endurminningum og hugleiðingum, har Oddvør Johansen við sínum eyðkenda skrivingarlag ger rámandi myndir av lívi og levnað.
Um Bábelstornið hjá Regin í Líð.
Nútíðarmenniskja er soleiðis vorðið, at tað treyðugt trýr tí, ið ikki kann prógvast. Tað stendur einum og hvørjum frítt at trúgva søgunum í bókini, men fyri høvundunum báðum eru tær sannar, soleiðis sum teir her siga frá. Í bókini eru 10 søgur og formæli um pátrúgv eftir Annu M. Brimnes.
Tvær stuttsøgur og ein skaldsøguroynd. Pátrúgv og ta yvirnáttúrliga. Fólk hava her eginleikan »at síggja« og í samband við deyðan verða gátuførar hendingar lýstar.
Mangan hugsa vit um, hvussu fólk lívbjargaðu sær í gomlum døgum við ongum av teimum hentleikum, sum nútíðin hevur at bjóða. Í hesari bókini verður lesarin leiddur aftur til tær Føroyar, ið einki vistu um bilar, sjónvarp ella elkomfýr. Undir hepnum umstøðum sleppa børnini Sørin, Pætur, Eirikur og Píl eitt summar at liva á sama hátt sum tey gomlu.
Umfatandi ritverk um skaldið Mikkjal á Ryggi. Í verkinum eru søgur, greinir, kvæði, yrkingar og sálmar. Eisini er yvirlit yvir skaldskapin hjá Mikkjali á Ryggi, greinir í bløðum og tíðarritum, ummæli og mangt annað forvitnisligt.