Á eini útferð í 1935 fyri at síggja og hoyra um útgrevsturin eftir Norsku Løvu, hvørvur ein fjúrtan ára gamal drongur, og 75 ár seinni biður beiggi drongin Hannis Martinsson um at hjálpa sær við at fáa greiðu á málinum.
Ein dagin, tá ið Suffía kemur heim úr skúlanum, finnur hon eitt bræv í postkassanum. Hetta er byrjanin til heimspekiliga ævintýrið hjá Suffíu saman við gátuføra læraranum í heimspeki, sum ikki vil siga, hvør hann er.
Søgan fer fram í tíðini eftir avtøkuna av kongliga einahandlinum í 1856. Samfelagið er í broyting frá bóndasamfelagi til fiskivinnusamfelag, og hetta ikki uttan stríð. Øvund og ósemja taka seg upp, og politikararnir nýta ósemjuna til egnan fyrimun.
Tað er okkara væl kenda Meyla, sum syngur. At hjálpa sær við tónleikinum hevur Meyla fingið fatur á teimum vælsvingandi Molunum. 9 løg eru á fløguni. Summir av sangunum eru væl kendir, onkur spildurnýggjur og aðrir eru týddur úr enskum.
Føroyskt vísindatíðarrit. Greinir á føroyskum, norskum, svenskum og enskum innan evni, ið hava tilknýtið til føroysk viðurskifti, m.a. mál, fólkavísur, og lívfrøði.
Skrokkurin til bókina varð skrivaður á einum grønlandstúri í 1965. Bókin er skrivað sum dagbók og lýsir dagligu tilveruna umborð á Kongshavn, men er eisini ein mynd av lívinum hjá rithøvundanum.
Tað er, tá ið foreldur Alex svíkja, at hann flytur út á gøtuna. Ein hjartanemandi søga um tilveruna hjá gøtubørnum og um, at tað hóast alt ber til at hava vónir fyri framtíðina.
Rými er triðja bókin í røðini um unga dreingin Hvassa, sum ongan eigur uttan seg sjálvan. Hvassi flýggjar framvegis um somu tíð, sum hann roynir at finna lítlu Jaz, ið hann er vorðin góður við.
