Súlan,lær teg at stava 1+hefti
Lær teg at stava 1 er fyrsta bókin í eini røð av stavsetingarbókum til innskúlingina. Hugsanin er, at bókin verður nýtt um várið í 1. flokki ella fyrst í 2. flokki. Skrivihefti hoyrir til bókina og er við í prísinum. Í bókini eru fimtan smáar søgur (fyrisagnir) og uppgávur, har børnini arbeiða við smáum, ljóðrøttum orðum. Aftast í bókini er vegleiðing til lærarar og foreldur.
Gylta svørðið, fløga
Triðja bókin í røðini um lítlu gentuna Petité, sum varð rænd av víkingum og nevnd Ása. Nú er hon ung genta og er vorðin væl við høvdingasonin Torfinn. Hann fer á víkingaferð, veturin líður, og eingin drongur kemur aftur. Øll halda hann vera deyðan, men so ein dagin daga skipini úti í havsbrúnni.... og Ása er eydnurík. Undanfarnu bøkurnar í røðini eru: Drekaskipið og Gylta svørið.
Linga og Mallus, fløga
Tað er hugvekjandi, at Líggjas hevur valt at geva eina bók út um hesi fólkini. Hon snýr seg ikki einans um Mallus og Lingu, men fólkini rundanum tey, sum hann eisini lýsir.Sera óvanligt at hesi koma í bók. Ikki tí, Líggjas kundi sanniliga skrivað um tey, sum hava verið í fremstu røð,tí tey kennir hann og hevur verið millum. Tí er tað sera áhugavert, at hann júst heiðrar hesi fólkini. Gjørdi hann tað ikki, varð tað helst ikki gjørt.Tað skal Líggjas hava takk fyri.
Mín jólabók 2014
Í bókini eru nógvar nýskrivaðar søgur, sum bæði royndir og óroyndir rithøvundar hava skrivað. Bókin er ein kalendarabók, har antin ber til at lesa eina søgu ella gera eitt ítriv til hvønn einstakan dag, somuleiðis er ein framhaldandi adventssøga. Bókin er myndprýdd øll, sum hon er.
Dracula
Ein elligamal óndskapur hungrar eftir nýggjum blóði. Kunnu Jónatan og vinirnir vinna á óndskapinum? Tað eru hálvt annað hundrað ár síðan, at søgan um Dracula varð skrivað. Hon er týdd til meiri enn 50 mál og er fleiri ferðir gjørd til film. Tað var Bram Stoker, sum doyði fyri meiri enn 100 árum síðan, sum upprunaliga skrivaði søguna. Søgan hjá Stoker greiddi frá ymiskum um vampýrar, til dømis at teir eru bangnir fyri hvítleiki og vígivatni.
Skúlating stinka
Stina gongur í fjórða flokki. Hon ger altíð skúlating. Alt er í lagi, tá hon lesur hart heima, men í skúlanum fløkjast orðini, og alt verður so øgiliga trupult. Pápin er í London, og mamman skilir ikki, hvat Stina upplivir í skúlanum, tí alt gongur so væl heima, men tíbetur eigur Stina eina vinkonu, sum eitur Tóna, og hon skilir Stinu.
Hin Froya
Froya er og ferðast í Svøríki saman við mammuni og systrunum, har tær sigal við kano. Men tær eru ikki einsamallar. Út úr mjørkanum kemur Frank. Hann átti ikki at verið har. Tí hann varð settur fastur. Hann hevði roynt at drepa Froyu. Men Frank er hermaður. og hann gevst aldri.
Lokaða landið
Børnunum í 5. B dámar væl í smáttuni á Ternuryggi, men ein dagin síggja tey sigarettstubbar í einari skál á borðinum. Hvør hevur verið har? Tí tey kenna ongan, sum roykir. Tá hetta endurtekur seg mugu tey fara at fáa greiðu á, hvat hetta er. Samstundis fáa børnini ein hvøkk, tí Jóhanna svímar ein dagin, tey eru og svimja. Hon verður innløgd fyri etingarólag, og onkur má hjálpa teimum at skilja, hvat hetta er, og hvussu tey kunnu hjálpa Jóhannu.
Bara vinir/Snild ætlan
Hanna og Emma eru bestu vinkonur. Tær eru saman um alt. Hetta er bók við tveimum spennandi søgum úr gerandisdegnum. Bara vinir Tá ið sjeikurin ger tað liðugt, er gott at hava eina hjatavinkonu. Hanna hevur Emmu, og vinkonur kunnu líta á hvørja aðra, ella hvussu? Snild ætlan Hanna og Emma vilja hevna seg inn á Silju, sum gongur og lýgur um tær. Nú mugu tær bara leggja eina snilda ætlan.
Beinta 2-Einki er, sum tað var
Nú verður skúlaveitsla, og Beinta og Sára hava glett seg og lagt ætlanir í mánaðir. Men nú tímir Sára knappliga einki longur, og Beinta skilir ikki, hví so er. Hvat er tað Sára hevur verið fyri, sum hon ikki vil siga?
Tann stóri bresturin
At vita sær, at henda dynamittstongin kundi senda teir høgt upp til himmals og niður aftur, sendi ein óhugnaligan skjálvta gjøgnum teir fýra dreingirnar. Teir vita, at tað er vandamikið, teir tora illa, og kortini gera teir tað: Festa í fjúsið og tveita dynamittið í eitt ruskílat. Einki hendir, og teir rýma. Men so kemur ein lítil drongur gangandi ...
Frankenstein
Vit fara við Frankenstein ígjøgnum ymisk fjallalendi og yvir fryst høv. Klárar hann at steðga framferðini hjá tí fjandans drápsmanninum? Er hann til reiðar at gera tað, ið ódjórið biður hann um? Tað er Mary Shelley, ið upprunaliga hevur skrivað, og Gill Tavner, sum hevur umskrivað søguna.
Rustur sum viður og vindur
Rustur sum viður og vindur er ikki bara ein stuttlig bók, men eisini ein bók á tremur av gløggum eygleiðingum. Og í hvussu nógvum føroyskum skaldsøgum hevur høvundurin samrøðu við standmyndina av Rasmusi Effersøe á Tinghúsvøllinum um at blíva pakkaður inn í wc-pappír og mangt annað?
Missionary Campaigns and
Hetta er endaliga søgan um havnarmannin Daniel J. Danielsen, kallaður Dollin, sum í 1903 byrjaði ta tilgongd, sum í 1908 noyddi belgiska kongin Leopold 2. at lata Congo frá sær sum sína persónligu ogn. Henda søgan kom fyrstu ferð fram í 2010 í bókini Dollin, Havnarmaðurin, sum broytti heimssøguna.Men nú er talan um eina heilt nýggja bók á enskum, sum er grundað á framhaldandi kanningar av hesi søgu. Virksemið hjá D.J. Danielsen í Føroyum frá 1904 til 1916 verður eisini lýst.
Skakandi tilburðir 9 (20)
15 ótrúligar hendingar eru í bókini. Nakrar av hendingunum eru hesar: Kavari úr Fuglafirði, sum kemur í neyð á havbotninum. Um ein hund í Stóru Dímun, sum bjargaði smádreingi frá at detta útav eggini. Marjus Dam, sum kemur í dýrastu neyð, meðan hann koyrir og eldur brádliga kemur í bilin og bremsurnar svíkja.Um blinda kvinnu, sum dettur niður á jarnbreyt. Ein hending tá maður úr Skúgvi fór á glið í bjørgunum, steðgaði tá annað beinið hekk út av eggini.
Landafrøði 2, MP3
Bókin er í seks pørtum: Heimsins fólk, Jørð, matur og landslag, Býir, Vinnulív í heiminum, Orka, og at enda Landafrøði og politikkur. Røðin leggur dent á at geva næmingunum kunnleika, sum byggir á innlit og evni at síggja sambond. Í tilgongdini verður dentur lagdur á at lýsa og greina og at eggja næmingunum til at finna svarini sjálv. Røðin fevnir bæði um altjóða og heimlig viðurskifti. Aðalmálið er at gera næmingarnar førar fyri betur at skilja heimin og tilveruna.