Sóleygað horvið
Tá ið vit nærkaðust Háborgini, komu heykaflokkar í stórum tali ímóti okkum. Teir vóru so nógvir í tali, at luftin myrjnaði. Tíðliga ein morgun lupu teir á tey fremstu í flokkinum, komu brestandi niður móti okkum við øðiligari ferð. Og skrólini frá teimum, eg havi tey fyri oyrunum enn, so ræðuligt ljóðaði tað.
Maj Darlin
Maj var vakrast genta, eg nakrantíð hevði sæð. Eg hugsaði næstan ikki um nakað annað. Tann dagin Maj byrjar í sama flokki sum Hasse og Harry broytist lív teirra fullkomiliga. Hon er mest saman við Hassa og øvundsjúkan er um at eta Harry upp. Seinni verðuur alt so syndarligt, tað summarið tá ið Maj enn hevði brek í hjartanum, og Elvis Presley sang ”Heartbreak Hotel”
Eg - Olinka
Hin kensluborna, vakra og stuttliga Olinka roynir at fáa greiði á, hvør hon er. Hon er fimtan ár, og tað er ikki altíð lætt, tá ið tú skalt royna at verja teg ímóti vónsvikum og ringum royndum.
Minnisvarðin
Minnisvarðin (Carlo Monzoni), Hitt ósjónliga savnið (Stefan Zweig), Frúgvin Emily (William Faulkner), Søti skattur (Anton Tjekhov), Hummarin og leyvan (Ernest O´Ferral), Eitt mannabarn verður borið í heim (Maxim Gorki) Soleiðis fert tú ongantíð at vera (Ernest Hemingway).Aftast er stutt frágreiðing um rithøvundarnar.
Sadako vil liva
6.august 1945, klokkan eitt korter til nýggju. Uppi yvir býnum Hiroshima - ein bráðkveiktur glampi. Fyrsta kjarnorkubumban er brostin. Bókin lýsir á ein hugtakandi hátt henda grátiliga morgun. Smágentan Sadako er eitt av offrunum fyri fyrstu kjarnorkubumbuni. Men Sadako vil liva. Tá ið hon verður før fyri at evna til túsund tranar úr gullpappíri, fer hon at fáa heilsuna aftur. Túsund tranar.
Ferðafuglur
Um atburð fuglanna undir flyting, og um hvussu stóran týdning umhvørvið hevur fyri henda partin av náttúru okkara. Evni, ið verða viðgjørd eru: Ferðir og vetrarvist hjá fugli. Hon er ætlað øllum, sum hava áhuga fyri og undrast á, hvar fuglur okkara fer og hvørja leið, hann flýgur ta longu ferðina í millum summar- og vetrarvist.
Fríggjararnir
Stuttsøgur. Fríggjararnir, Átjan og Biltúrur á nátt, Frú Fortúna, Patriciari og plebejari, Summarfrí. Aftast er stutt frágreiðing um rithøvundarnar.
Útskotini
Søgan um útskotini er bæði harðrend og kensluborin og lýsir væl ein part av amerikanskum ungdómi. Um tey, sum eru øðrvísi. 14 ári gamli Ponyboy sigur frá um útskotini. Ein søga um vinalag og samanhald. Ein ógvuslig søga um samanbrestir við hini úr fína býarpartinum.
Suphaya
Solveig er 16 ára gomul og gongur í 10. flokki. Tað er júst blivið liðugt millum hana og Helga og hon hevur tað ógvuliga ringt av hesum. Men hon roynir at láta sum einki, livir lívið og fjastast við mannfólki. Tá ið hon fær illvarning av at hon kanska er uppá vegin, gevst hon at ganga í skúla. Hon hevur tað sera ringt, men hevur eina vinkonu at tosa við og skilir at hon má fáa skil á lívi sínum.
Skuggar
Sára er í truplari broytingartíð. Tað verður ikki betur av at ráðini heima ikki eru ov góð og at foreldrini skeldast og ákæra hvørt annað fyri ótrúskap. Í skúlanum verður hon happað og roynir at sleppa undan við at gera seg ósjónliga. Men Sára fær stuðul frá vinkonuni og ommuni og fær dirvi til at sleppa víðari í lívinum.
Silvurknívurin, heft
Ótrúligt er tað; men kortini eru allar hendingarnar ið skrivaðar eru í hesi bók, farnar fram í okkara tíð. Hvør hevur ikki hoyrt um Hitler, einaræðisharra Týsklands í 1933-1945, og um hansara nazistar. Teir blakaðu heimin út í ræðuligasta og blóðugasta bardaga, mannaættin hevur sæð, og teir fóru fram við ókendari grimd móti mótstøðumonnum. Søgan er sonn.
Regin og Sára, heft
Regin er 14 ár. Hann er raskur og dámar væl ítrótt. Alt kundi verið so gott , men tað er tað nú ikki. Pápin er sendur til Danmarkar at sita, tí hann hevur stolið, og hetta voldir Regini trupulleikar. Tíbetur hittir hann Sáru. Eisini hon hevur sítt at dragast við, tí hon er blind.Sára er bæði djørv og glað. Regin og Sára verða góð, og saman eru tey sterk.Regin egnir hvønn dag og í egningarskúrinum, og í egningarskúrinum eigur hann eitt sindru óvanligar, men sera trúgvar vinir.
Ránið
Inequ er ikki smágenta longur og skjótt fór Poq at koma í langhúsini eftir henni og so skuldu tey liva saman sum fedrar teirra høvdu livað í fleiri túsund ár undan teimum í landi menniskjanna.Men so kemur fremmanda skipið og skræðir hana og Poq við sær til eitt fremmant land langt burturi.Hinumegin hav bíðar Kristina eftir, at pápin skal koma aftur og ein dagin stevnir skútan inn á vágna, og tveir heimar møtast á fyrsta sinni.
Marjun hin nítjanda desember
Tað kavar, tá ið Marjun koyrir rullugardinurnar upp hin nítjanda desember í 1944. Tað hendir so nógv henda dagin. Reyður blettur er í kavanum uttan fyri, er tað blóð? Inni í Marjuni vaksa vandarnir skjótt. Hon kemur ofta í trupulleikar, tí hon ”finnur uppá”. Men tað besta sum hendir hin nítjanda desember er, at hon hittir Svenn Óla.
Mannjagstran
Bókin er um tað slagið av mannjagstran, sum var verst eftir trúbótina. Tað vóru serliga konufólk, sum vórðu píndar og brendar á báli fyri at hava givið seg í hóslag við illamann. Mannjastranin, sum hendan bókin er um, var ringast eftir trúbótina, tá ið túsundtals menniskju - serliga kvinnur - vórðu píndar og brendar á báli.
Lisa í leikalandi
Í stuttum er søgan um gentuna, Lisu, sum ein dagin dettur niður í eina kaninholu og har hittir løgnar verur og dýr, sum tosa.