Lærubók í tekning. Dømi um kompositión, frágreiðingar um perspektiv. Dømi um hvussu listafólk nýta skravering at skapa rúm og dýpd.
Steðga bumbumanninum er sjeynda bókin í røðini. Sigrið kemur í klórnar á einum illgrunasomum manni ið tekur hana við í kloakkrørini undir býnum, bindur hana í ein stiga og rýmir. So sær Sigrið rotturnar og hoyrir brúsandi ljóðið av vatni, sum fløðir.
Ljóðbussurin skal vísa, hvar í munninum tey ymsu ljóðini verða myndað. Tey ljóðini, sum sita fremst í bussinum, verða mynda fremst í munninum o.s.fr.
Súlubók - sætta bók í røðini. Ætlað at lesa, tá ið næmingarnir hava lært teir fyrstu 10 bókstavirnar: á, l, s, í, ó, t, i, b, e, g. Myndirnar í bókini siga eina søgu, sum prátast kann um.
Evnið er oljuleiting í Hetlandsrennuni og á føroyska landgrunninum seinastu 20 árini og hvussu hetta hevur ment vitanina innan jarðfrøði. Kapitlar eru m.a. um skap í undirgrundini, jarðfrøðina á havbotninum og oljuleitingarjarðfrøði.
Hitt triðja træið er sætta bókin í røðini Kalt blóð. Í grannalagnum hjá Teiti og Sigrið sær Teitur, at ein maður grevur í garðinum. Teitur undrast, hví holið skal vera so stórt. Ger hann pláss fyri einum træi? Ella einum líki?
Henda áhugaverda bókin sigur frá líðingum og lívsvilja hóast nógva mótgongd og nemur við trælahald eisini á okkara døgum. Aftast í bókini er tíðarlinja, sum byrjar 1750 fyri okkara tíðarrokning, og endar á okkara døgum.
Sakarias hevur føðingardag. Hann er bæði spentur og stúrin, tí hetta er fyrstu ferð, at pápin kemur at vitja, eftir at foreldrini eru skild. Hvat nú, um tey fara at skeldast? Bókin er í fjórða torleikastigi og er violettur krabbi.
Ein søga um sorg, einsemi og happing. Søgan er um gentuna Mo, sum kemur nýggj í ein flokk; í staðin fyri at siga frá, hvaðan hon kemur og hvat hon hevur upplivað, byrjar hon at lúgva og finna uppá søgur.
Metbókin hjá Rúnu lýsir gerandisdagin hjá børnum, sum hava foreldur, ið drekka; søgan er skrivað úr sjónarhorninum hjá barninum. Bókin er í fjórða torleikistigi og er violettur krabbi.
Í Sakarias og pápin fara faðir og sonur útferð, har teir skulu búgva í tjaldi. Hetta er ikki nakað, ið hóvar Sakariasi serliga væl. Bókin er til fjórða torleikastig og er violettur krabbi.
Veiða Vind er eitt tónleikaævintýr um trý systkin, tær fýra árstíðirnar, ein dreka, eina álvagentu og eina bjørn. Ævintýrið er eisini um hugflog og veruleika í einum skapandi meldri. Á bókini er ein QR kota, har Annfinnur Heinesen lesur ævintýrið, og Føroya Symfoniorkestur við Bernharði Wilkinson sum orkesturleiðara spælir tónleikin, sum Kári Bæk hevur gjørt.
Rýmdur er fimta bók í røðini Kalt blóð. Sigrið er á veg heim. Knappliga koma dreingirnir til sjóndar í myrkrinum. Teir súkkla tigandi í ring um hana. Ringurin minkar og minkar. Sigrið roynir at sleppa fram við teimum. Men til fánýtis.
Tú ert deyður, Teitur er fjórða bókin í røðini Kalt blóð. Hon snýr seg um systkini Sigrið og Teit, ið eru stødd á posthúsinum, tá ið ránsmenn knappliga koma. Tá ið ránsmenninir halda á dyr, hava tey Teit við sær sum gísla, uttan at Sigrið grunar.
Hin stóri dreygurin er triðja bók í røðini Kalt blóð. Eitt stórt, myrkt skepilsi kemur til sjóndar. Tað kemur beint ímóti Teiti. Teir renna saman. Teitur starir upp í andlitið á honum. Tað er bleikt og gulligt ... sum um hann er deyður.
Skygni 5 er ætlað undirvísingini í støddfrøði í fimta flokki. Bókin leggur upp til næmingalagaða undirvísing.