Ein genta eigur ein hamstur sum einaferð var ungur og sterkur. Hann eitur Harra Muffin. Nú er Harra Muffin gamal, móður og sjúkur og liggur fyri deyðanum.
Einaferð var tað ein lítil býur, har fólkini bara góvu sær far um eitt. Tey elskaðu blómur. Men ein dagin helt borgarstjórin eina talu. Beinið blómurnar burtur! Beinið firvaldarnar burtur! Dreymar eru nyttuleysir!
Søga fyri børn. Gentur eiga ikki at dálka seg, men tað leggur henda gentan einki í, tí tað er so stuttligt at sigla í tunnuflaka, eisini um kjólin er spildurnýggjur.
Hervør og Høgni finna upp á ráð, tá tey skulu geva mammu og pápa jólagávur. Tá er gott at eiga eina ommu í nánd, og tað er ikki altíð neyðugt at fara til handils at finna røttu jólagávurnar.
Abbi og apan er ein skemtilig søga um ein abba, ið siglir úti og hevur eina apu við heim úr Afrika til Hervør og Høgna. Apan er ein ordiligur apukattur, so nú hendir mangt og hvat.
Pavel og Katarina vildu so fegin fingið eitt barn. Eina náttina um jóltíðir evnar Pavel eitt barn úr kava og í fyrsta morgunlýsinum verður kavagentan livandi.
Í Glasblómulandinum var frálíkt at vera. Her var ongin misnøgd og ongin neyð. Øll góvu sær stundir og gjørdu alt við gleði. Men so ein dagin kemur ein gestur koyrandi við rossi og vogni, og nú broytist alt ...
