Maðkamáni
Søgan fer fram í einum hugsaðum tíðarskeiði í Bretlandi í fimmtiárunum, har Standish Treadwell og abbi hansara búgva saman við hinum óynsktu í sonu 7. Øll verða stýrd av einum ræðslustýri,kallað Móðurlandið.Men tann orðblindi Standish sær heimin við eygum, enn tey flestu gera,og vegna sínar dreymar og sítt dirvi finnur hann sín besta vin, Hector, sum er horvin, og megnar harafturat at týna kúgandi valdið hjá Móðurlandinum.
Herviligi Henry hevur marruna (80)
HERVILIGI HENRY OG MAMMUDAGURIN, helst ikki tann dagurin á árinum, sum mamma hansara gleðir seg mest til. Í HERVILIGI HENRY HEVUR MARRUNA, verður Henry jagstraður av eini spøkilsiskanin við risastórum tonnum, einum ýlandi kirkjugarðsspøkilsi, og fyri ordans skuld eisini einum slímutum zombi. Og so ein nýggj søga HERVILIGI HENRY OG HEVNDIN HJÁ DØGURÐAGÍVRINI, har Henry fær vitjan av einum av sínum høvuðsfígginda. Og at enda LODNI SKARAR FRAMÚR.
Herviligi Henry og kettjupkríggið (80)
Les um tað eina tingið, sum Henry er bangin fyri; um tá ið Óða Óluva vitjar aftur; hvat hendir, tá ið Henry ger ein film um familju sína, og nógv annað í stuttligastu og mest forherðari bókini higartil.
Upplivingarnar hjá John Blake (20)
Ùti á víðum havi og fjald av tíðartoku siglir Mary Alice og manning hennara-leitandi eftir eini leið heim.Men gátuføra skipið verður jagstrað av einum bølmenni,sum fer ALLARSTAÐIR at leita tey upp.Eitt illveður rakar eitt lítið seglskip við eini familju umborð, og unga gentan fer fyri borð.John Blake kavar eftir henni og fær hana umborð á sonevnda spøkilsisskipið.Manningin roynir at fáa hana aftur í hennara egnu tíð og sigla til eitt stað,har lív og skip verður sett í váða.
Tjaldrið í Hoyvík (25)
Kennir tú tjóðfugl okkara, tjaldrið? Les um, tá ið tjøldrini koma heim aftur at reiðrast, men ikki finna gamla reiðursplássið, tí fólk hava bygt hús har. Les um tjaldurspápan, sum dámdi so væl ost, og um lítlu Pinku, sum fekk ull um beinið. Fylg tjaldrinum frá tí tað kemur, til tað fer avstað aftur.
Undur (14)
August (Auggie) Pullman er føddur við einum andlitsfráviki, sum forðar honum í at ganga í vanligum skúla – tað vil siga til nú.Tí nú skal hann í fimta flokk á Beecher Prep; og hevur tú nakrantíð roynt at veranýggi næmingurin, so veitst tú, hvussu strævið tað kann vera.Í grundini er Auggie bara ein vanligur drongur við einum heilt serligum andliti.Men kann hann sannføra sínar nýggju floksfelagar, at hann er akkurát sum teir, uttan mun til hvussu hann sær út?
Træið
Hilbert og Bob eru vinir. Men Hilbert er ein snedigur snigil, og Bob veit ikki ordiliga, um hann skal trúgva øllum, sum Hilbert sigur...
Múrurin
Øll hesumegin múrin, har Josva býr, vita eitt: múrurin ger, at tú kennir teg tryggan. Tú mást ikki fara yvir á hina síðuna. Josva skýtur fótbóltin inn á eina byggigrund og kemur fram á ein loyniligan tunnil. Bølamyrki tunnilin fer allan vegin inn undir múrin og yvir á forboðið øki, har hann ikki eigur at fara.Tá ið Josva kemur upp í dagslýrið hinumegin múrin, broytist lív hansara fullkomuliga.Ein trettan ára gamal kann ikki bróta ein múr niður,men hann kann so nógv annað.
Pax 7, Pestan (38)
Ver ikki bangin fyri heksum. Serliga ikki henni innan í tær. Fleiri og fleiri í Marifred leggjast sjúk við løgnum sjúkueyðkennum. Er tað Pestan, sum er komin? Familjan hjá Alva og Viggo verður eisini rakt og drigin inn í eitt stríð móti klokkuni fyri at finna eina loysn. Samstundis ætlar Iris at avdúka, hvør Svartheksin er. Haraftrat luktar hon av rotnum líki...
Tá ið skrubban fekk heilaskj.
Við eitt verður skrubban syft upp úr dýpinum og endar við einum klamsi á onkrum, ið er hart sum grót. Hon heldur seg hoyra onkran rópa, men hon er púra í ørviti. Tá ein løta er farin, heldur hon seg síggja okkurt reytt, og hon kennir tað, sum fær hon ikki luft. Skrubban veit ikki, hvar hon er.
Kepler62, Niðurteljing 2
Maria er dóttir ein ovurríkan vápnaseljara.Hon má hava heimaundirvísing, tí pápin er lívræddur fyri, at hon skal verða rænd.Mariu leingist burtur frá lívinum við tveimum tænarum í einum herðskapshúsi.Eftir at hava goldið fyri at sleppa at spæla tað ómøguliga Kepler62-spælið, fær hon eini løgin boð.Er hon veruliga útvald til at sleppa við á eini rannsóknarferð út í rúmdina?Og kann hon angra,tá hon hevur sagt ja?
Kepler62, Innbjóðingin 1
Ari og beiggin Jóni royna at fáa hendur á telduspælinum Kepler62. Tað ganga søgur um tey fáu, sum hava klárað spælið, at tey verða tikin av einum loyniligum felagskapi, og at tey skulu ferðast til eina ókenda eksogongustjørnu. Er tað sannheit? Ella hevur einræðisstjórnin heilt aðrar ætlanir? Teir skriva aðruhvørja bók. Innbjóðingin og Niðurteljing eru tær báðar fyrstu bøkurnar í røðini. Be part of the story
Holið
Ein nýggjur tunnil bindur ta avbyrgdu bygdina Fjallvík saman við restini av landinum.Men hvat kemur burtur úr tí svarta tunnilsholinum?Framburður og vælferð, lova politikararnir.Synd og ógudiligheit, ávarar pápi Dávid. Dávid veit ikki, hvat hann skal halda.Hann er ein serligur drongur, sigur mamman. Onnur kalla hann yvirklókan.Tíbetur eigur hann ein stórabeiggja, Pætur sum ansar eftir honum. Men hvat nú, um Pætur rýmir gjøgnum tunnilin,burtur frá honum...?
Vitello fær ein fosturpápa
Mamma mussar ein skallutan mann, sum eitur Gregers, úti við havaportrið. Vitello dámar hetta ikki. Loyniliga gentan hjá honum, sum eitur Kamma, heldur, at hann fer at fáa ein fosturpápa. Vitello sigur nógvar illbønir, tí hann jú longu eigur ein pápa, sum er eitt bartrog og ein supereingil.
Eldførið
Ein ungur soldatur, ein fongslað prinsessa, heksir, úlvar og Deyðin ganga hond í hond í hesi framúrskarandi bókini eftir heiðurslønta rithøvundan Sally Gardner. Íblásturin til søguna hevur hon fingið úr kenda ævintýrinum hjá H. C. Andersen Eldføri. Otto Hundebiss er hermaður og troyttur av krígnum. Hann verður særdur, men kemur undan við lívnum.Ein loyndarfullur skapningur, hálvt beist og hálvt maður, er um hann, til hann er komin fyri seg.