Tey flýggja frá víkingum
Í hesi bókini sleppur tú við mær við einum víkingaskipið til Íslands fyri meir enn 1000 árum síðani. Trælbørnini bæði, Reimur og Tir, eru við í feråini um havið. Tey flýggja undan jalsættini í Noregi og undan øllum teimum, sum trælka tey. Í Íslandi koma tey illa fyri. Høvdingaættirnar liggja javnan í stríði. Høvdingasonur verður funnin deyður, skotin við ørv í bakið, tá kemur Reymur illa fyri. Hann eigur ørvina, og hann verður tikin. Eitt trælslív er lítið vert. Tað sanna Reimur og Týr.
Stríðið um kelduna
Í tveimum smáum býum er lívið sera einfalt. Har eru einføld amboð og vápn úr jarni, men onki krút og ongar maskinur. Í lendinum er geislavirkið burturkast, og íbúgvarnir eru eftirkomarar av fólki,komu undan einari kjarnorkuvanlukku. Tá ið fólki í býunum fer at keglast um rættin til einastu keldu við reinum vatni, fær stríðið eina sovorðna vend, at burturkastið kemur upp ígjøgnum svørðin og er um at oyðileggja dalin, har tey búgva.
Sonur Mariu, drongurin
Ein ung genta sigur mammu síni, at ein fremmandur maður hevur verið inni har, meðan hon var einsamøll. Hin fremmandi segði henni, at hon skuldi eiga son, og navn hansara skuldi hon kalla Jesus. Mamman verður uppskakað, og pápin í øðini. Sum so ofta hevur verið, tá ið genta kemur soleiðis fyri, senda foreldrini Mariu eitt skifti í aðra bygd, langt heimanífrá. Hon skal ikki verða fyri mannarópum
Silas og Bein-Godik
Bartrogið var so hugtikið av øksarskaftinum og sá ikki, at sonurin stóð og royndi at fáa grímuna. Tað traðkaði á tærnar á honum og trokaði seg yvir at bóndanum.
Silas og svarta ryssan
Um drongin Silas, sum hittir hestasølumannin Bartolin, sum lovar honum ta villu ryssuna, um tað eydnast Silasi at temja hana. Vit hitta drongin Silas á fyrsta sinni, tá ið hann fer rekandi við streyminum oman eftir einari á hann fer í land og hittir hestasølumannin Bartolin, sum lovar Silasi, at eydnast tað honum at fáa tamarhald á og ríða á teirri villu ryssuni, skal hann sleppa at eiga hana.
Sjúrður Ormsbani
m Sjúrð, sum vá á orminum á Glitraheiði. Sjúrður ræðist ormin, tann í søgnini og tann í veruleikanum. Nógv broytist tann dagin Sjúrður hittir trældrongin Reim, men fram um alt er tað sterka trælkonan Edda sum gevur honum dirvi og styrki.
Regin og Sára, heft
Regin er 14 ár. Hann er raskur og dámar væl ítrótt. Alt kundi verið so gott , men tað er tað nú ikki. Pápin er sendur til Danmarkar at sita, tí hann hevur stolið, og hetta voldir Regini trupulleikar. Tíbetur hittir hann Sáru. Eisini hon hevur sítt at dragast við, tí hon er blind.Sára er bæði djørv og glað. Regin og Sára verða góð, og saman eru tey sterk.Regin egnir hvønn dag og í egningarskúrinum, og í egningarskúrinum eigur hann eitt sindru óvanligar, men sera trúgvar vinir.
Mia skúlagenta í Havn
Ein søga um gomlu Kordeliu, sum býr á Høgareyni. Um Miu og mammu hennara, Ellu, ið búgva hinumegin Vaglið. Um vinskap millum gomul og ung í miðbýnum í Havn.
Marjun flytir í Paradísið
Marjun er nú stór, tíggju ár og hon roynir at gevast við at finna uppá óveruliga søgur. Hon skal flyta við pápanum, Palla og Lilju í eina ókenda, fremmanda bygd langt burturi. Hvussu fer alt at vera? Og hvussu man fara at gangast við ongum Svenn Óla – og við ongari mammu? Tí hon liggur á sjúkrahúsinum og kann ikki flyta við.
Marjun eldur í
Marjun vaknar um náttina av at róp hoyrast uttanfyri. Eldur er í onkustaðni. Hon skundar sær at lata seg í og fer útum. Har er ein rúgva av fólk uttanfyri. Marjun er bangin, hon minnist svávuldósina, sum datt úr lummanum hjá beiggjanum Palla. Marjun noyðiast at bjarga Palla, so hann ikki endar í fongsli.
Marjun hin nítjanda desember
Tað kavar, tá ið Marjun koyrir rullugardinurnar upp hin nítjanda desember í 1944. Tað hendir so nógv henda dagin. Reyður blettur er í kavanum uttan fyri, er tað blóð? Inni í Marjuni vaksa vandarnir skjótt. Hon kemur ofta í trupulleikar, tí hon ”finnur uppá”. Men tað besta sum hendir hin nítjanda desember er, at hon hittir Svenn Óla.
Marjun ein dagin í mai
Marjun er mangan í trongum skóm. Brádliga fær hon eitt hugskot, og áðrenn hon veit av, hevur hon gjørt okkurt skilagott ella okkurt ógvuliga býtt. Marjun er á sjúkrahúsinum og vitjan vinmannin Svenn Óla, tí hann hevur tikið blindgørnini og kanska grætur og leingist eftir henni. Tí hevur hon sníkt seg inn á sjúkrahúsið við mjólkarbilinum, sum fer inn í býin.
Mannjagstran
Bókin er um tað slagið av mannjagstran, sum var verst eftir trúbótina. Tað vóru serliga konufólk, sum vórðu píndar og brendar á báli fyri at hava givið seg í hóslag við illamann. Mannjastranin, sum hendan bókin er um, var ringast eftir trúbótina, tá ið túsundtals menniskju - serliga kvinnur - vórðu píndar og brendar á báli.
Lisa í leikalandi
Í stuttum er søgan um gentuna, Lisu, sum ein dagin dettur niður í eina kaninholu og har hittir løgnar verur og dýr, sum tosa.
Joakim
Beint sum hann vaknaði, visti Joakim, at alt var ikki, sum tað átti. Mamman gekk og sníkti seg úti á gongini. Kamarshurðin var afturlatin, pápin farin á sjúkrahús við ringum nervum. Hetta var ein dagin í september.
Gullregn
Tá ið blikkeskjan fyrstu ferð verður grivin niður, er hon tóm. Aðru ferð eru 800.000,- kr. í. Fýra børn finna blikkeskjuna. Tey gera av at krógva hana, til tey frætta, hvussu nógv verður latið í finnngarløn. Men tað er torført at semjast um eina ætlan og at goyma pengarnar. Heldur ikki er tað lætt at halda seg burtur frá einum manni, sum, ið hvussu er, ikki er løgreglumaður....