Llítla skrímsl hjúklar um Stóra Skrímsl, sum liggur við skrímslasótt. Men tað er ikki bara sum at siga tað, tí Stóra Skrímsl grenjar og er ikki nøgdur við nakað. Hvussu leingi man lítla skrímsl orka knarrið?
Fløgan er ætlað foreldrum, børnum, lærarum og pedagogum, teimum sum tørvar eina fløgu við grundstøði í teknmáli, tá ið tey skulu samskifta við fólk, ið eru tunghoyrd ella deyv.
Søgan fer fram undir seinna heimsbardaga. Sámal Matthias livir eitt fátæksligt lív og droymir um at finna ein stóran reka, men tá dreymurin gerst veruleiki, verður alt øðrvísi enn væntað.
Ikki fáir av tekstunum peika á Europa sum søguligt, listarligt og fyrst og fremst skaldskaparligt og mentanarligt hugtak. Undir hesum neti av tilsipingum eru univers, sum lesarin sjálvur verður boðin at fara á rannsóknarferð í.
Føroyskur ungdómur hevur ikki áður verið fyrimál hjá fólki, ið granskar føroyska samfelagið. Granskingin, hvørs úrslit nú fyriliggja, umboðar fyrstu veruligu roynd at lýsa ungdómin í landinum vísindaliga.
Í Símunarbók, sum bókin eitur, eru savnaðar 20 greinar, skrivaðar av føroyskum, norðurlendskum og bretskum høvundum um ymisk fornfrøðilig og søgulig viðurskifti í Føroyum og grannalondunum í víkingaøld og miðøld.
Salmiakk býr úti á bygd í Norðnesi og verður altíð happaður, kanska serliga tí at hann er komin úr býnum út á bygd at búgva. Tað ringasta er, at hann ongan vin eigur at spæla við, og hetta ynskir hann sær allarmest av øllum.
Vinur Viktoriu, Pinki, er pingelipongur og býr í postkassanum hjá Viktoriu. Tá ið Viktoria kemur heim úr summarferiu, fortelur hon Pinka um ein, ið fjalir seg í ferðataskuni, men Pinki trýr henni als ikki, og tey gerast óvinir fyri fyrstu ferð.
Á enskum: Í søguni um Mosamollis er ongin tekstur at halda seg til. Lat títt og barnsins hugflog sveima við honum runt á ferðini og lat myndirnar hjálpa tykkum at gera egnu søgur.
Der er ingen tekst at holde sig til i historien om Mos-Molte. Lad din og børnenes fantasi svæve rundt med ham på rejsen og lad billederne hjælpe jer med at lave jeres egne historier.
Í søguni um Mosamollis er ongin tekstur at halda seg til. Lat títt egna og barnsins hugflog sveima við henni runt á ferðini og lat myndirnar hjálpa tær at gera tína heilt egnu søgu.
Grunda á veruligar hendingar hjá Sofíu ið býr í Mosambik. Systurin er komin aftur úr Suðurafrika, álvarsliga sjúk. Sofía roynir at skilja, hvat er áfatt, men hon skilir ikki reiðiliga, bara hetta, at eldurin roynir at siga frá einari stórari vanlukku
Regin dugir væl at spæla fótbólt. Men viðhvørt vil Regin heldur spæla dukkur við gentunum í barnagarðinum ella sleppa at lata seg í fínar kjólar og dansa.
