Leikrit 33, Kjørbreyt

Leikurin er tíðarbærur við sínum tilsipingum um toganina millum sjálvbjargni og ófrælsi – hvussu føroyska tjóðin velur stuðul fram um tjóðarfrælsi, tunnilsloysnir fram um mentanarliga tjóðarbygging. Í leikinum kemur fram uppskot um at gera tunnil millum Føroya og Danmarkar. Leikurin er sprottin úr loysingarhugaða umhvørvinum millum lesandi føroyingar í Keypmannahavn í seinna heimsbardaga.

Portrettið

Leikrit 30, Myrking

Hans Marius Ejdesgaard (1887-1966) ættaður úr Oyndarfirði skrivaði leikin “Ein myrking”. Hann er prentaður í sekstan brotum í “Føroya Socialdemokrati” í 1937. Sama ár kom hann út savnaður í bók. Leikurin viðger gerandishendingar í tríatiárunum í einari miðalstórari bygd.

Leikrit 28, Ástarbragd

Leikur við songum í fýra pørtum,sum norðmaðurin Torvald Tu (1893-1955) skrivaði í 1928.Tvey heiti hava verið nýtt:”Bertels gjenvordigheter”og”Eld i hjartekrå.Nyholm Debess (1882-1952) týddi til føroyskt,og bókin kom fyrstu ferð út í 1936.Í 25 ár búði Torvald Tu saman við vinmanni sínum,klaverleikaranum Trygve Johannes Stangeland (1898-1969).Tað er hann,sum setti løg til sangirnar í leikinum.Teir vitjaðu í Føroyum í desembur í 1931 og vóru á palli í Sjónleikarhúsinum.Teir vórðu væl fagnaðir.

Leikrit 25, Traðabøndur

Sjáldsamt er at síggja føroyskar upprunaleikir á palli.Eitt sindur løgið,tí fyrstu prosaverk,ið skrivað vórðu á føroyskum,vóru júst sjónleikir,og fáur man duga at ímynda sær,hvør stórhending tað hevur verið at hoyra føroyskt mál av palli-fyrstu ferð í 1889.Tá høvdu havnarfólk heilt frá døgum Svabos-tað er frá seinu helvt av 18.øld-leikt um 40 leikir í høvuðsstaðnum á donskum.Lætt er heldur ikki at fáa hendur á hesum leikum, sum eru á prent í bløðum, tíðarritum og bókum. sum ikki longur fáast.