Petur Mohr Dam (16)
Petur Mohr Dam (1898-1968) var maður, sum var føddur við silvurskeið í munni, men misti hana! Hann var borin til eitt ríkt kongsfesti í Kollafirði og vaks upp í einum tryggum handilshúsi í Skopun, men misti pápa sín sum lítil óviti og mátti seinni, eftir langa sjúkralegu, siga kongsfestið frá sær. Handilin mátti steingja, so alt húskið var rakt av fátækradømi og stórari neyð. Hann kom á Føroya Løgting 1928 og stríddist sín tretivuárabardaga líka til 1958.
Sanna Dahl (9)
Slóðbrótarin Sanna Dahl (1915–2011) var ein av fyrstu føroysku kvinnunum, ið tóku læknaútbúgving. Ævisøga hennara er á mangan hátt ein mynd av menningini av føroyska samfelagnum seinastu hundrað árini. Barnaárini í Vági, ungdómsárini í Havn, lestrarárini í Keypmannhavn og starvsárini í Føroyum lýsa, hvussu karmarnir hjá føroyingum so líðandi eru broyttir, tá ið tað snýr seg um mentan, kynsmynstur, útbúgving, samferðslumøguleikar, sjúkrahúskervi og tøkni.
Minni frá míni lívsleið (10)
Høvundurin er føddur í Lamba í 1946. Hann greiðir livandi og skemtiliga frá sínum barnaárum, sínum unglingaárum og sum vaksin. Hann er góður frásøgumaður og leggur við hesari bókini eitt klípi aftrat, hvussu tað var at vera barn í fimmtiárunum, hann lýsir hjartalagið í fólki á smáplássum, hvussu tey dugnaðu hvør øðrum, hvussu tey hjálptust við lítið, hvussu bjartskygnið setti dám á sekstiárini, og við tí sum støði lýsir hann eisini sítt arbeiðslív seinni, einamest sjólívið.
Frá penni Petur Háberg 1 & 2
Bind 1: Hetta ritsavn er ikki ævisøga Petur Hábergs, men í stórum tað, sum Petur hevur talað og skrivað, og sum í mongum førum ongantíð er komið alment á prent, ella sum er torført at fáa hendur á í dag. Kortini finnur tú lívssøgu, siðsøgu og samkomusøgu í savninum, soleiðis sum tað er ritstjórnað. Bind 2: Er annar partur í bókarøðini við undirheitinum „ - umframt heilsanir og eftirmæli frá øðrum“.
Deana (35)
Ein bergtakandi, hjartanemandi, forvitnislig og stundum bersøgin frásøgn um 25 ára gomlu Deanu Jacobsen úr Haldórsvík, sum hvarv á gáturføran hátt í Grátufjørðinum í Grønlandi 14. juni 1966 og ongantíð spurdist aftur.
Heðin (4)
Hetta er søgan um drongin, ið bara níggju ára gamal saman við foreldrum og beiggjum flutti úr Trongisvági til Havnar at byrja níggja tilveru.Har fall hann væl til og gjørdist havnarmaður um ein háls. Hann fann sær konu, fekk familju og gjørdist virkin á so nógvum økjum. Og hóast mamman helt hann verða smædnan smádrong, er tað ikki fyri smædni, hann er best kendur.
Fólkaatkvøða og húsagangur (30)
Føroyskir oddamenn fingu ein dramatiskan dag í Keypmannahavn 5. oktober 1992. Atli Dam og Jógvan Sundstein vórðu boðsendir at vera Sjóvinnubankanum til hjálpar, tí danska fíggjareftirlitið ætlaði at stongja bankan, kom hann ikki við nýggjum eginpeningi.
Magellan (24)
Portugisiski rannsóknarmaðurin Ferdinand Magellan (1480–1521) er ein av heimsins kendastu sjófarum – hann sigldi sum tann fyrsti av øllum frá Atlantshavi til Kyrrahav og stóð á odda fyri fyrstu sjóferðini at sigla kring allan knøttin, tó at hann læt lív á ferðini.Í hesi ævisøguni birtir Zweig lív í øldina við teimum mongu rannsóknarferðunum og sigur søguna um eina ta djarvastu royndina.
Lív og læra (8)
Andrew var sonur skotska trúboðaran William G. Sloan, sum kom til Føroya í 1865 við tí endamáli at kunngera evangeliið um Jesus. William giftist við Elsebeth í Geil, og tey fingu 6 børn. Yngstur av teimum var Andrew. Hann var føddur í 1896. Andrew vaks upp í Tórshavn. Ein av leikbrøðrum hansara var kendi rithøvundurin William Heinesen, og longu á barnaárum góvu teir eitt skifti út blað, ið nevndist „Dreingja tíðindi“.
Brúður í Roskilde Dómkirkju (52)
Í 1887 giftust ein genta úr Klaksvík og ein drongur av Strondum. Tey festu búgv undir Selheyggi og fingu seks børn. Í 1900 doyði hon í barsilssong. Í 1905 doyði hann. Eftir sat ein systkinaflokkur, elsta barnið 16 ár, tað yngsta 4. Børnini fóru til fosturs hjá góðum fólki. Um sjeyti ár seinni skrivaði eitt teirra, næstelsta dóttirin, Hanna, ævisøgu sína, sum nú er týdd og verður prentað. Umframt verður greitt frá, hvussu skift varð eftir hesi hjúnini, sum vóru fyri vanlagnu.
Av Matterhorn í Leirvíkstún (9)
Hvussu fótar tú tær í landinum, har tú búsetur teg? Hvussu lærir tú málið? Á hvønn hátt heldur tú fast við tað, tú hevur við heimanífrá, og hvussu gevur tú børnum tínum lut í tí, samstundis sum tú vilt gerast partur av landinum, tú hevur valt at búseta teg í?
Dias á Heyggi og samtíð hansara (8)
Johan Andreas Godtfred vanliga nevndur Dias á Heyggi livdi frá 1879 til 1968. Hann var í síni tíð kendur sum skipari og vinnulívsmaður og virkin í Brøðrasamkomuni. Hesum greiðir Absalon væl frá. Millum frásagnirnar eru nógvar, sum ikki hava verið frammi fyrr. Tað er sera heppið, at hesar nú eru varðveittar fyri eftirtíðina.
Føroyar í andgletti (29)
Jógvan Arge hevur givið út bókina “Føroyar í andgletti”, sum snýr seg um 1980ini í Føroyum. Hetta er ein spennandi bók um tey ríkiligu áttatiárini, sum føroyingar bøttu fyri við húsagangum, armóð og stórari fráflyting í nítiárunum.
Rasmus á Háskúlanum (13)
Fyrstu partarnir av bókini eru lívssøga, familjusøga og háskúlasøga. Síðani verður sagt frá øllum tí, sum hann granskaði, skrivaði og var virkin í og frá teimum avrikum, sum liggja eftir hann. Bókin byggir nógv á Rasmusar egnu frásagnir í dagbókum, greinum, notatbókum og brøvum. Rasmus hevði ein virknan penn, bæði tá ráddi um útgávu og eisini tá hann til sín sjálvs skrivaði um hendingar og tankar í dagliga lívinum.
Fólkalívsmyndir (16)
Frá 1950 til 1992 arbeiddi Sune á Føroya Bruna-trygging, seinastu 10 árini sum stjóri. Tað er hetta skiftið, hann fer at skriva um tað, hann minnist frá sínum uppvøkstri, og tað, hann fyri ein part sjálvur hevði royndir við. Hann lýsir gerandisliga tilveru her á landi, áðrenn vit rættiliga komu inn í nýggju tíðina. Tað var tíðin við vánaligum undirstøðukervi, sluppum, torvskurði, nótakasti, eldri siðvenjum, øðrvísi hátíðarhaldi.
Millum fjals og fjøru (25)
Hendan krýnika er ikki minni fjølbroytt enn tær fyrru. Hesa ferð eru vit bæði á sjónum og uppi á landi. Vit eru við politisk samráðingarborð um fiskirættindi kring Norðuratlantshav og vitni til politiska upploysn á løgtingi og í landstýri, sum í 1980 endaði við vali í ótíð.