Vørulýsing

Í samband við at bólkurin, Hjarnar, hevur rundað tey 50 árini, og stór heiðurskonsert hevur verið hildin í Varpinum, er eitt minnisrit gjørt.
Í blaðnum kanst tú millum annað lesa um søguna hjá Hjarnar, um tíðina tá ið teir vóru á turné turné í Danmark, um hvussu sangurin “Alla Nátt” gjørdist til veruleika ella hví bólkurin eitt skifti broytti navn til Sunny. Blaðið er 78 síður, og umframt serstakar søgur um Hjarnar, kann ein eisini lesa um søguna hjá Roykstovuni í Klaksvík, har nógvir tónleikabólkar hava framført gjøgnum ár og dag.
Fleiri áhugaverdar greinar og eldri myndir eru í inni blaðnum, sum er gjørt til hetta serliga høvið.
Ein góð jólagáva, mandlugáva, eitt serligt minni ella bara nakað, ið kann styttar tær stundir nú jólini nærkast.