Kortfrøðingurin á Umhvørvisstovuni, Hans Olof Engberg, hevur teknað Føroyakortið, sum upprunaliga kom út saman við ”Atlas til heim og skúla” (Nám 2014), tá Rói Højgaard teknaði tað. Á kortinum eru fleiri enn 1.700 staðarnøvn, sum Staðarnavnanevndin
hevur góðkent. Bygt øki er merkt við gulum og bøur við grønum. Kortið er teknað við hæddarstrikum, har 50 metrar eru millum hvørja. Umhvørvisstovan hevur ment kortið í samstarvi við Nám.