Í sárunum, vit hvør geva øðrum, ella um tað er sama sárið, sum fyri hvørja ferð verður eitt sindur størri, djúpari, so hava vit plantað eitt barn, tvey børn, og frá hesum sárunum skulu børn okkara vaksa fram.
Hetta er ein kærleikssøga. Ein móðir sigur nýfødda barni sínum frá teimum hendingum, sum hava havt hetta barnið við sær. Tað eru søgur um drúgva sjúku, einsemi og sorg. Um ræðsluna fyri at elska onkran, men kortini tora.