Bókin er sætta krimisøgan um William Hammer og Skansadeildina. Úr bókini: Eg legði tveir fingrar á hálspulsæðrina á Wang Tao. Har var einki. Tann kinesiski maðurin var deyður. Hann lá hvítklæddur fram eftir rommum, og har var einki at síggja á
bakinum ella aftantil á høvdinum. Hóast eg visti, at Kriminaldeildin fór at øsa seg upp um tað, so stakk eg hendurnar inn undir kroppin og koppaði honum á. Eyguni vóru víðopin og somuleiðis muðurin, men annars sá alt út, sum tað átti.