Norð
Forna norðurlendska gudalæran og gloymdar náttúruverur fáa lív, tá ið 14 ára gamla Norð fer at leita eftir mammuni, sum er horvin. Á vegnum hittir hon tríggjar lívsklókar lagnugudinnur og íkornadreingin, Ratatosk, sum vísa henni veg niður í undirverðina Nivlheim. Her, djúpt inni í kjarnuni á jørðini er tann óndi drekin Niðhøggur í ferð við at gnaga lívsins træ,Yggdrasil, sundur. So við og við fatar Norð, at jørðin,er við at ganga undir,og at hon er tann einasta,sum kann bjarga henni.
SKOMM, sesong 2: Noora
Í hesi bókini eru senur, sum ongantíð vórðu tiknar upp, samrøður, ið seinni vórðu tiknar burtur, umframt viðmerkingar og hugarok hjá Juliu Andem, leikritahøvundi. Hetta er handritið til aðru sesong av SKOMM, júst sum tað upprunaliga varð skrivað.
SKOMM, sesong 1: Eva
Í hesi bókini eru senur, sum ongantíð vórðu tiknar upp, samrøður, ið seinni vórðu tiknar burtur, umframt viðmerkingar og hugarok hjá Juliu Andem, leikritahøvundi. Hetta er handritið til fyrstu sesong av SKOMM, júst sum tað upprunaliga varð skrivað.
Hvønn morgun stakk systir mín bróstini (40)
Mariam (17) býr í Aleppo. Foreldrini eru ikki til longur. Nú hevur sjúki beiggin, Luka, brúk fyri læknahjálp. Mariam ger av at flýggja úr Sýria til Turkalands og haðani víðari til verðins besta land. Tá ið eg súkkli heim, undrist eg á, um hetta man vera besti dagur í lívinum. Onkran dag mugu vit rokna sum besta dag í lívinum. Um nú okkurt ringt skuldi hent okkum, so mugu vit hava tann dagin inni í okkum. Eg havi fyri fyrstu ferð kallað Nizar "habibi". Góði. Tað er hendan dagin."
Hjartastormur - Stormhjarta
Uppliva dreingir og gentur forelskilsi upp á sama máta? Sama søga verður søgd bæði úr sjónarhorninum hjá ávikavist Stormi og Viólu. Søgan nertir við alt millum himmal og jørð, sum hevur við tannáringalívið at gera. Bókin er vakurt myndprýdd í teknirøðsstíli.
Pssst! (46)
Hví eri eg akkurát tann, sum eg eri? Hví bleiv eg ikki ein onnur? Hvat var eg, áðrenn eg bleiv fødd, og hvat verði eg, tá eg doyggi? Hevði eg eisini verið eg, um eg varð fødd onkra aðrastaðni? HVØR ERI EG Í GRUNDINI? Pssst! varpar ljós á smáar og stórar spurningar í lívinum hjá 12 ára gomlu Viólu. Í tí einastandandi samanspælinum millum myndir og tekst fáa vit innlit í tankar hennara um lívið, deyðan, vinir, familju, einsemi, útsjónd og popularitet.
Fílasteinurin
Bapit býr í Thyborøn og líkist ikki hinum. Tað er tí, at hann hevur etið alt ov nógv Nutella, og tí mamma hansara er út Tailandi. Pápin, eum er deyður, gav Bapit ein holstein, sum hann segði hevði gandamegi: Um tú hyggur gjøgnum holið og ynskir tær okkurt, gongur ynskið út. Men hesum trýr Bapit ikki. Ikki fyrr enn alt knappliga verður ovboðið.
Dreingirnir (42)
Dreingirnir er ein lýsing sum eingin onnur av tannáringum. Hon sameinir tað strævna í gerandisdegnum við tað vakra og gandakenda í eini søgu um uppvøkstur, broyting, kærleika og vinalag. Aftast í bókini er ógvuliga áhugaverd samrøða við høvundin ymiskt, sum hon leggur dent á í skriving sínari, umframt stuttsøgan "Glashúsið."
Klukkudrotningin (24)
Tann óndi klukkusniðgevin, Lucretia Cutter, hevur slept sínum gulu mariuhønunjósnarum leysum – og hon hevur eina lúnska ætlan. Tá ið Darkus, Virginia og Bertolt fáa enn fleiri prógv um, hvat hon ætlar, eru tey púra avgjørd – hon má steðgast! Men tey trý vinfólkini eru í trupulleikum. Pápi Darkus hevur bannað teimum at gera fleiri kanningar – og teir ótespiligu svindlararnir, Humphrey og Pickering, eru slopnir úr aftur fongslinum. Nú liggur alt á Novak, dóttur Lucretiu.
Um kríggj var í Norðurlondum
ímynda tær, at tað er kríggj - ikki í Afganistan ella Sýria ella í onkrum øðrum landi langt burturi - men í Evropa, í Føroyum, hjá okkum. Við bókini bjóðar Janne Teller lesarunum av at gera eina hugaroynd. Við at venda sjónarhorninum á fær hon okkum at skilja, hvat tað í veruleikanum merkir at verða flóttarfólk.
Klukkusavnarahandbókin (20)
Í bókini eru myndir og tekstur um 50 klukkur, ið fara at hugtaka teg og taka teg á bóli. Her eru blunkandi lyktaberarar, yvirsterkar og skjótar klukkur, sýruskjótarar, klukkur, ið stýra eftir stjørnunum og nógv fleiri. Letur tú bókina upp, hevur tú tikið fyrsta stigið á kanningarferðini.
Billie. Tú ert tann besta (43)
Lívið hjá fosturfamiljuni í Búkróki heldur fram at taka okkum á bóli, og Billie er uppi í øllum sum vanligt. Áðrenn hon veit av, er hon blivin kend í býnum. Hjálp!Heima verður Tea øvundsjúk. Og Álvur er eisini illur, tí at Billie er drigin at hansara stóra hatursobjekti Douglasi. Hvat er tað, sum í grundini er farið fram millum systkinabørnini? Hevur tað nakað at gera við, hvussu lítlibeiggin doyði? Billie má bara vita tað.
Drongurin í stríputum náttklæðum (26)
''Tað eru fleiri hundrað børn her,'' segði Bruno uttan at hugsa um orðini, áðrenn hann segði tey, '' Tey eru bara hinumegin stikið.''
Harry Potter 2, heft og kamarið við loynidómum
Harry er heima hjá fosturforeldrunum. Hann er í summarfrítíð og upplivir ringasta føðingardagin nakrantíð. Harry hevur aldrin havt tað gott hjá Dursley fólkunum. Har hendir ymiskt løgið - og stuttligt.Onkur er,sum roynir at forða Harry at fara aftur. í Hogwarts. Tað er tað ringasta, ið kann henda, tí ikki fyrr enn Harry frætti frá gandaskúlanum og fekk at vita um sín egna uppruna, hevur hann varnast, at tað eru fólk, ið eru góð við hann.
Í rósunnar miðju (24)
Stefan og pápin eru einsamallir, tí mamman hevur tikið lívið av sær seinasta heyst.Stefan heldur tó, at alt er ikki so einfalt, og hann hevur hug at kanna hetta nærri.Hann sníkir seg at lesa eitt bræv, mamman hevur skrivað, áðrenn hon doyði, og í brævinum finnur Stefan evarska smáar bókstavir í einari tekning av einari rósu. Nú fer Stefan at leita eftir sporum og finna útav, hví mamman doyði.
Millum gráar skuggar (22)
Hevur tú nakrantíð hugsað um, hvat virði er í einum menniskjalívi? Tann morgunin var lívið hjá beiggja mínum vert eitt lummaur ... Eitt kvøldið koma sovjetskar vaktir eftir fimtan ára gomlu Linu, mammuni og yngra beiggja hennara. Tey verða tveitt í kríatúrvognar og send avstað. Tey verða flutt burtur til Sibiria.Ein ófatiliga hørð ferð er byrjað.Lina veit ikki,um hon nakrantíð fer at síggja pápa sín aftur,sum er horvin nakrar dagar frammanundan.Men hon vil ikki missa vónina.