Magnus Heinason - hetja ella brotsmaður (28)
Í mong hundrað ár var hann hildin at vera ein hetja, men var hann tað? Síðan dagarnar hjá Magnusi Heinason hava fólk verið ymisk á máli um hann. Var Magnus Heinason ein hetja, sum fekk ein órættvísan deyða, ella ein brotsmaður, sum fekk revsingina, hann hevði uppiborið? Magnus Heinason vaks upp í Føroyum í 16.øld,
Í havsneyð
Havið kann vera eitt tað vandamiklasta staðið at vera. Tó hava søgur altíð verið um skip og manningar, sum eru komin frá skipbrotum, álopum og uppreistrum við lívinum. Og summi hava valt at bjóða sær sjálvum av og fara um ovurstóra havið einsamøll í báti. ì hesi bókini kanst tú lesa um nøkur av teimum kendastu fólkunum, og hvussu tey komu undan á lívi. Hetta eru søgur um fólk, sum í sera truplum og vandamiklum støðum hava víst ótrúligt dirvi, treysti og framúr góðan sjómanskap.
Vandamiklar rýmingar
Fólk, sum sita í fongsli ella sum fangar í legum ella aðrastaðni, hava altíð roynt at rýmt. Tað kunnu vera fólk, sum hava framt brotsgerðir og sita í fongsli, sum verða hildin at vera ógjørlig at rýma frá, fangar, sum eru tiknir í kríggi av fíggindanum ella politiskir fangar, sum eru settir í fongsul av tí, teir trúgva uppá.
Katrin í Toftum
Søgan um Katrina í Toftum byggir á søgnina, Katrin í Toftum; søgnin er út Hósvík frá seinast í 18. øld.
Vandamikil djór
Hvør ormur bítur si, at tú doyrt eftir fáum sekundum? Hvat fær leopardar at gerast ræðulig veiðidjór í náttarmyrkri? Er tikarahávur hættisligari enn ein bóghvítuhvalur? Hvar sært tú vandamestu eiturkoppar í heiminum? Vandamikil djór ymsar staðir á jørðini kunnu vera alt frá tropiskum hávi til pinkulítið skordýr við drepandi biti.ì hesi bókini lesur tú um ótrúlig eiturevni,vápn og sansir,ið fáa summi djór frá náttúrunnar hond at verða fødd drápsdjór.
Soleiðis skrivar tú tína allarbestu søgu
Her er alt,sum tú hevur brúk fyri til at skriva tína allarbestu søgu! Set pallin,skapa minniligar persónar, brúka framúrskarandi orð, og enda søguna við einum vælskrivaðum útgangi - alt hetta fært tú hjálp til í hesi týdningarmiklu skrivileiðbeiningini, sum tú ikki kanst leggja frá tær.
At kanna brotsgerðir
Fleiri hundrað prógv kunnu verða funnin á einum gerningstaði. Nøkur eru púra greið og sjálvsøgd, so sum fótaspor í kava ella ein hamari,sum hevur verið nýttur til at bróta ein rút.onnur prógv ber næstan ikki til at síggja.Serfrøðingar siga okkum,hvat ið hendir við prógvum,tá ið tey verða send til eina kanningarstovu at kanna.Her nýta serfrøðingar nýggjastu tøkni og alla sína vitan til at fáa skil á,hvat ið hendir undir einari brotsgerð.Eitt hár ella eitt sindur av spýtti kann avdúka ein brotsmann
Flúgv, Fía! Flúgv!
Fía er fosturbarn. Mamman er ov sjúk at búgva heima. Fía hugsar, at einki í lívinum varir, hon fer ongantíð at hoyra til í látrinum og prátinum í fosturfamiljuni. Men Fía fer á máliskeið, hon vil læra at skapa okkurt vakurt. Hon hevur nógv at gleða seg til.
Annika í Dímun
Henda nýskrivaða søgan byggir á kendu søgnina um Anniku í Dímun, sum var søkt á Havnarvág í 16. øld, tí hon var skuldsett fyri at hava beint fyri dímunarbóndanum.
At leita eftir morðslóðum
Prógv í hundraðtali finnast á gerningsstøðum. Nøkur eru greið og sjálvsøgd so sum fótaspor í kavanum ella ein hamari, sum er nýttur at bróta ein rút. Onnur eru næstan ósjónlig fyri mannaeygum.Morð er ein ræðulig brotsgerð, og rættarlæknar eru ein týdningarmikil partur í leitanini eftir sannleikanum um tað, sum hent er.Teir skulu finna út av, hvør deyði persónurin er, sjálvt um fleiri ár eru gingin. Teir skulu neyvt kunna siga, nær persónurin er deyður.
Hvørvikynstur
Ger vinir tínar bilsnar við hesum frálíku hvørviskynstrunum.Vegleiðingarnar, sum eru lættar at fylgja og læra,vísa,hvussu tú stig fyri stig fært til dømis eina mynt at hvørva og koma til sjóndar aftur eina heilt aðra staðni. Í bókini ery gykl við djórum, tannsteytarakynstur, stuttlig kynstur við krógvaðum lutum og mang annað spennandi.Tú kanst eisini lesa um kendar meirstarar í gykli umframt fáa góð prei um, hvussu tú kanst gera framførðslu tína hugtalandi við klæðum,o.ø
Nelson Mandela
Hvussu kann mest eftirlýsti persónur í einum landi gerast størsti leiðari tess? Les ótrúligu søguna um Nelson Mandela og lívlanga stríð hansara fyri frælsi.
Kynstur við kortum
Ger vinir tínar bilsnar við hesum frálíku kynstrum við kortum.Vegleiðingarnar, sum eru lættar at fylgja, vísa, hvussu tú finnur fjald kort, avdúkar fýra ess á rað, letur eitt útvalt kort leypa út úr kortunum og mangt, mangt annað.Bókin lærir teg teir týdningarmestu grundsteinarnar í gykli við kortum. Tey lumpisligu blandini,at taka snildisliga av og at geva fimi.Tú kanst lesa um nakrar av heimsins kendastu gyklarum og fáa prei um,hvussu tú kanst gera framførðslur tínar minniligar hjá áskoðarunum.
Gátuførar hendingar-Hinumegin
Mangt løgið er, sum vit ikki duga at greiða frá. Vit hoyra um fólk, sum siga seg tosa við andar hjá deyðum fólkum. Onnur hava fingið ymiskt týdningarmikið at vita í dreymi. Bókin Hinumegin, leiðir okkum á eina hugtakandi ferð gjøgnum hesar loynidómar . Vit hoyra um eina kvinnu, sum segði seg minnast ræðuleikar fyri 800 árum síðan. Tónaskøld, sum halda fram at gera tónleik, eftir at tey eru deyð, og nógv, nógv annað. Tú verður kløkkur og undrast!
Loyndarmálið í London, KRB
Dávur og familjan eru og ferðast í London. Tað er ein hugnaligur túrur, til ein gamal kunningur biður um hjálp. Dávur ivast í, um tey áttu at hjálpt honum, tí knappliga enda tey í einum gomulum líkkjallara.
Heilin
Líkist heilin á dreingi heilanum á gentu? Hvat hendir, tá ið tú verður forelskað/ur? Hvussu minnist vit? Hvat hendir hvar í heilanum, og hvussu virkar tað? Í hesi bókini kanst tú lesa um alt tað fantastiska,sum hendir í heilanum, kryddað við stuttligari teknirøð, tekningum og myndum. Skrivað hava Espen Dietrichs, sum er professari í nervafrøði, og Eirik Newth, sum er serfrøðingur í stjørnualisfrøði.